Qasja bashkëkohore e arsimit thekson se fëmijët dhe të rinjtë mund të realizojnë potencialin e tyre vetëm në mjedise arsimore ku ndihen të sigurt. Të bësh të mundur që fëmijët të ndihen të sigurt dhe të qetë në shkollë ndikon në shumë çështje të rëndësishme, duke nisur nga motivimi akademik e deri te shëndeti psikologjik.Studimet e realizuara deri më sot theksojnë se bullizmi në shkollë redukton pjesëmarrjen e fëmijëve në shkollë, bëhet shkas që të shfaqin sjellje problematike si arratisja nga shkolla dhe ndikon negativisht në shëndetin e tyre, si fizik ashtu edhe psikologjik. Fakti që pasojat e incidenteve të bullizmit në shkollë nuk kufizohen vetëm me jetën shkollore bën të nevojshme që ky lloj bullizmi të trajtohet në detaje bashkë me të gjitha aspektet e tij. Në ditët e sotme, vërehet se bullizmi nuk është i kufizuar vetëm me shkollën, por është zhvendosur edhe në mjedisin virtual. Nga ana tjetër, fakti që bullizmi kibernetik dhe bullizmi në shkollë janë dy lloje bullizmi të ndërlidhur dhe kanë ndikime të ngjashme te fëmijët, ka qenë shkas që këto të trajtohen së bashku. Në këtë vepër shqyrtohen përkufizimet e këtyre dy llojeve të bullizmit, prevalencat, shkaqet, pasojat, ngjashmëritë dhe dallimet mes tyre, si dhe sugjerimet për zgjidhje.Kuadri teorik i ofruar nga vepra synon të zgjerojë këndvështrimin e akademikëve gë duan të kryejnë hulumtime mbi bullizmin në përgjithësi dhe bullizmin kibernetik në veçanti, të udhëzojë akademikët dhe praktikuesit në zhvillimin e programeve parandaluese në lidhje me bullizmin në shkollë dhe bullizmin kibernetik, dhe të ndihmojë arsimtarët dhe familjet të kuptojnë dhe zgjidhin dinamikën, e bullizmit dhe incidentet e bullizmit kibernetik që hasin në shkollë.

Lista e librave të autorit ERKAN YAMAN

BULLIZMI NE SHKOLLE DHE BULLIZMI KIBERNETIK

BULLIZMI NE SHKOLLE DHE BULLIZMI KIBERNETIK